පාඩම 01 home work

ඔන්න ඔයාලාට සිද්ධියක් හොයා ගන්න බැරි නම් සිද්ධි ටිකක්. පාඩම්වල කියලා දෙන tenses වලින් පහත පිංතුර විස්තර කරන්න. මේ සිද්ධි වලට මුණ දෙන්නේ ඔයා කියලා හිතලා මේ සිද්ධි  විස්තර කරන්න. don't  use Sinhala words for description.

01

 

02

 

03

04

 

05

පාඩම 01 (2 කොටස)

අද අපි ප්‍රශ්න හදන හැටි ඉ‍ගෙන ගමු. ඒත් තව ටිකක් ඊට කලින් අපට ඉගෙන ගන්න තියෙනවා. ඇත්තම කියනවා නම් මේක  simple tense උනාට ඉගෙන ගන්න දේවල් ගොඩාක් ම තියෙන්නේ මේ පාඩමේ තමා. මම කලින් කිවුවා ඔයාලට singular subject ගන්නේ  singular verb කියලාත් , plural subject ගන්නේ  plural verb කියලාත්. ඉතින් ඔයාලා දන්නවද මොනාද මේ singular subject, singular verb, plural subject, plural verb කියලා. ඒ වගේමයි ඉංග්‍රීසි භාෂාවේ ඔක්කෝම Verbs (ක්‍රියා පද) තියෙන්නේ සාමාන්‍යයෙන් බහු වචන ස්වරෑපයෙන්. අපි ඒවා වාක්‍යයේ යොදාගන්න කතෘට අනුව ඒක වචන හෝ බහු වචන විදිහට තියන්න ඕන. ඒහෙම ක්‍රියා පදයක්  ඒක වචන කරන්න නම්  ක්‍රියා පදයේ අගට “ s“ එකතු කරන්න ඕන.

පහත වගුවේ දක්වලා තියෙන්නේ කතෘ ගේ ඒක වචන බහු වචන ස්වරෑප.

singular subject (ඒක වචන කතෘ)	plural subject (බහු වචන කතෘ)
He -ඔහු	I -මම
She -ඇය	We -අපි
It -ඌ	They -ඔවුන්
	You -ඔබ
	You -ඔබලා

දන්නවද ඉංග්‍රීසි භාෂාවේදී “I” (මම) කියන කෙනාව ඒක වචන විදිහට හදුනා ගන්නේ නෑ. ”I “බහු වචන විදිහට හදුනා ගන්නේ. ඒක rule එකක්. ඉතින් මේයාලව තමා subject විදිහට අර format (ඒ කියන්නේ S + V + O) එකට දාන්නේ. ඒවගේම අපි භාවිතා කරන ක්‍රියා පද වලත් ඒක වචන, බහු වචන භේදය තියෙනවා.

Eat කිවුවොත් ඒක “බහු වචන”. නමුත් Eats කිවුවොත් ඒක ‘ඒක වචන’. ඒක හැදෙන්නේ මෙහෙමයි.

Eat = DO + eat

Eats = DOES +eat

Run = DO + run

Runs = DOES + run

Go = DO + go

Goes = DOES + go

 

පහත වගුවේ තියෙන ‍Negative ස්වරෑපය ගැන පහළ පැහැදිලි කරලා තියෙන්නේ. ඒ ටිකත් එක්ක හිමිට ඔයා මේ වගුව තේරුම් ගන්න ඕනා.

උදාහරණ:

              He runs fast.                         

              She reads well.    

              It barks loudly.

මේ උදාහරන වල subject එක ඒක වචන නිසා ඒක වචන ක්‍රියාවක් දාලා තියෙන්නේ.   බලන්න මේ වාක්‍ය වල ඉරි ඇඳලා පෙන්නලා තියෙන ක්‍රියා පදයට  s අකුරක් එකතු කරලා ඒක ඒක වචන අර්ථයක් දෙන විදිහට සකස් කරලා තියෙන ආකාරය.

               I do it soon

              We study hard.

              They hide the truth.            

              You Know it. 

                           

          මේ උදාහරණ වල subject එක බහු වචන නිසා බහු වචන ක්‍රියාවක් දාලා තියෙන්නේ.

දැන් ඔයාලට පුළුවන් මේ වගේ වචන හොයලා මේ වාක්‍ය රටාව පුරුදු වෙන්න. ඒ කරන දේවල් හරිද වැරදිද බලන්න ඔයාගේ ඒ home work ටික මේල් කරන්න. නැත්නම් කමෙන්ට් එකක් විදිහට දාන්න. මං ඒවා බලලා දෙන්නම්.

          හරි දැන් අපිට තියෙන්නේ සරල වර්තමාන කාලයෙන් ප්‍රශ්නයක් අහන්න ඉගෙන ගන්න. දැන් අපි ට අහන්න ඕන වෙනවා ‘ඇය පාසල් යනවාද ?’ කියලා ප්‍රශ්නයක්. මේක වර්තමාන කාලයේ සරල වාක්‍යයක් විදිහට කියවෙන්නේ ‘ඇය පාසල් යනවා’ කියලා. ඒක අපි ඉංග්‍රීසියෙන් ලියන්නේ 

           She goes school

           She (does + go) = goes school 

            මේ වාක්‍ය බැළුවහම ඔයාලට පේනවා  ඒක වචන රෑපයෙන් ඉන්න ‘She’ ට අනුව ක්‍රියාව යොදලා තියෙන හැටි.දැන් මේක ප්‍රශ්නේට නඟනකොට මේ ඒක වචන ස්වරෑපය (does) ක්‍රියාපදයෙන් වෙන්කරලා ඒ පදය ඒ කියන්නේ does මුලට ගේනවා. දැන් ප්‍රශ්නේ හැදෙන්නේ කොහොමද කියලා ටිකක් හිතන්න. ඔන්න අර සරල වාක්‍යයේ තියෙන එක පදයක් වත් මේ ප්‍රශ්නය හැදෙන ක්‍රියාවේදී මඟ හැරෙන්න බෑ. මං පහතින් ඒ වාක්‍ය හදලා දීලා තියෙනවා. එත් ඔයා මුලින්  හිතන්න කොහොමද She goes school කියන සරල වාක්‍ය ප්‍රශ්නයක් විදිහට අහන්නේ කියලා. වැරදුනොත් ඒ වැරදීම අඳුන ගන්න පුළුවන් වෙන්නේ එතකොටයි.

            Does she go school ?. 

               මෙන්න මෙහෙම තමා ප්‍රශ්නේ හැදෙන්නේ. බලන්න ප්‍රශ්නෙට ප්‍රශ්නාර්ථය හඟවන ලකුණ විතරයි අළුතින්ම එකතු උනේ. තව එකක් බහු වචන කතෘ කෙනෙක් සහිත වාක්‍යක් ඇසුරෙන් හදලා බලමුද?

          They know it

          They (Do + know )= know it

දැන් ඒකේ ප්‍රශ්නේ හැදෙන්නේ ,

Do they know it? කියලා නේද?

(ඔයාට හරි උත්තරේ ගන්න බැරි උනොත් මට ඒකත් කියන්න අපි ඒකට වෙනම lesson එකක් පටන් ගමු).

           දැන් ඔයාට මේ වැඩේ පුළුවන්. එහෙම නම් ඉස්සරහට යන්න පුළුවන්. නැත්නම් ඉස්සරහට කියවන්න එපා. නතර වෙන්න. මේ කියලා ‍දුන්න ටික තේරුනේ නැතුව නම් ඉස්සරහට අපි යන්නේ ම නෑ. ගියාට යැවෙන්නේ නෑ. මොකද ඔයාට තේරුම් ගන්න බැරිව ඉස්සරහට ගිහාම වෙන්නේ ඔයාවම රැවටෙන එකයි.

දැන් අපි ‘ඇත’ සහ ‘නැත’ යන අර්ථ දෙක හැඟවෙන වාක්‍ය දෙකක් හදමු ද?

        She likes apple ඇය ඇපල් වලට කැමතියි

        Does she like apple? ඇය ඇපල් වලට කැමතිද?

          මේ ප්‍රශ්න රටාව තමා අපි ඉගෙන ගත්තේ. කැමතිද වගේ positive අර්ථයක් ගෙන දෙන්න අහන්න නම් මේ රටාව හරි. දැන් අපි දීපු ඇපල් එයා කාලා නෑ කියමුකෝ.ඔන්න දැන් අපිට ඕන වෙනවා කැමති නැද්ද කියලා  වගේ negative  ප්‍රශ්නයක් අහන්න. එතකොට කොහොමද අහන්නේ?පරණ ක්‍රමේම තමා කැමති නෑ කියලා වාක්‍යය හදා ගත්තා... ඒක ප්‍රශ්නෙට පෙරළුවා. ලේසියි නේ.

            She does not like apple ඇය ඇපල් වලට කැමති නෑ

            Doesn’t she like apple? ඇය ඇපල් වලට කැමති නැද්ද?

බහුවචන කතෘ කෙනෙකුට මේක කොහොමද යොදන්නේ කියලත් බලමු.

They write a letter

Do they write a letter?

They do not write a letter

Don’t they write a letter ?

දැන්  ඔයාට ගෙදර වැඩක් තියෙනවා.  ඒකට ඔයා සරල කතා බහක්/දෙබසක් හදන්න ඕන. හිතන්න ඔන්න යාළුවෙක් හම්බුණා. නැත්නම් ඔයා අම්මාගෙන් අහනවා තේ හදනවාද කියලා. නැතිම නම් ඔයා කාගෙන් හරි අහනවා අපි පන්සල් යන්ද කියලා. ඔය වගේ නිකම් සිද්දියක් හදලා ලියලා මට එවන්න.

එහෙනම් අදට පාඩම ඉවරයි.

ඊළඟ දවසේ අපි මේකේ ම අතිත කාලය  (Past Tense) ඉගෙන ගමු.

ආයුබෝවන් !

පාඩම 01

Tenses

 අපි පළවෙනි පාඩම විදිහට Tenses ඉගෙන ගමු. Tenses ඉගෙන ගත්තාම ඔයාලට පුළුවන් සරල අදහස් ඉදිරිපත් කරන්න. මේ පාඩමෙන් ඉගෙන ගන්නේ කාල හේදය ගැන. ඒ කියන්නේ අපි අතීතයේදි කරපු දේවල් , දැන් කරන දේවල්  සහ අනාගතයේදී  කරන්න ඉන්න දේවල් ගැන ඉංග්‍රීසියෙන් කියන්නේ කොහොමද කියලා ඉගෙන ගන්න එකයි. දන්නවද අපි කියන වාක්‍ය වල සමහර වෙලාවට කරන කෙනා පේන්න ඉන්නවා (SUBJECT) .

උදා: මම බත් කනවා   - I eat rice

          මෙතන යමක් කරන කෙනා (බත් කන්නෙ ) “මම” විදිහට දකින්න පුළුවන්. එත් සමහර වෙලාවට අපි එහෙම කියන්නේ නෑ.

       

         උදා: බත් කනවා   - Rice is eaten

මෙතන බත් කන්නේ කවුද කියලා නෑ. නමුත් ක්‍රියාව වෙනවා. මේ නිසා මුලිකව වාක්‍ය රටා දෙකක් ඉංග්‍රිසි භාෂාවේ ඉගෙන ගන්න පුළුවන්.

• Active Voice Tenses  (ක්‍රියාව කරන්න කෙනෙක් ඉන්න වාක්‍ය)
• Passive Voice Tenses (ක්‍රියාව කරන්න කෙනෙක් නැති වාක්‍ය)

Active Voice Tenses (කර්තෘ කාරක වාක්‍ය)

                   කර්තෘ කාරක වාක්‍ය රටාවේ ක්‍රියාව කරන කෙනා (subject) පැහැදිලිවම දකින්න පුළුවන්. මේ වාක්‍ය රටාව භාවිත කරමින් අදහස් ප්‍රකාශන විධි හතරක් (04) හදුනා ගන්න පුළුවන්. ඒවගේම එම ප්‍රකාශන විධි හතර (04) අතීත, වර්තමාන සහ අනාගත කියන කාල තුනෙන් ප්‍රකාශ කරන විට මූලික වශයෙන් අදහස් ප්‍රකාශන විදි 12 ක් ඉගෙන ගන්න පුළුවන්. ඒ ප්‍රධාන ක්‍රම 04 පහත දක්වලා තියෙනවා.

01).Simple Tenses (සරල අදහස් ප්‍රකාශනය)

02).Continues Tenses (යමක් කරමින් සිටින අදහස් ප්‍රකාශනය)

03).Perfect Tenses (යමක් කරලා තිබෙන අදහස් ප්‍රකාශනය)

04).Perfect Continues Tenses (යමක් කර කර තිබෙන අදහස් ප්‍රකාශනය ) 

              මේ ක්‍රම 04 තමා කාල භේදයට දාලා අදහස් ප්‍රකාශනය අවස්ථා 12 ක් හදාගෙන තියෙන්නේ. එහෙනම් මුලින්ම  “Simple Tense” සරල අදහස් ප්‍රකාශන ක්‍රමය ඉගෙන ගමු.

01.  Simple Tenses

Present simple tense

           වර්තමානයේ සිදු වන ඉතාම සරල අදහස් ප්‍රකාශ කිරිමට මේ ක්‍රමවේදය භාවිතා කරනවා. මේ විදිහට කථා කරනකොට කර්තෘ (subject), ක්‍රියාව(verb) වාක්‍ය තුල තියන්න ඕන ක්‍රමයක් තියෙනවා. ඒ වගේමයි හැම තිස්සෙම මතක තියා ගන්න ඕන දේ තමා කර්තෘ ඒක වචන නම් ක්‍රියාවත් ඒක වචන ස්වරූපයට තියන්න ඕන. කර්තෘ බහු වචන නම් ක්‍රියාවත් බහු වචන ස්වරූපයට තියන්න ඕන .

Subject  + Present simple verb or (is, am, are, has, have) + Rest

උදාහරණ:

• I have a car (plural)
• She has a car (singular)
• I do it
• She does it

     දැන් අපි නීතිය (grammar rule) දන්නවා. දැන් මේවා භාවිතා වෙන අවස්ථා ගැන ඉගෙන ගමු.

• සර්ව ලෝක සත්‍යයන් ප්‍රකාශනයට භාවිතා කරයි.ඒ   කියන්නේ මේ ලෝකේ පවතින සත්‍යතා ප්‍රකාශ කිරීමට භාවිතා කරනවා.

උදාහරණ:

Sun rises in the morning and sets in the evening

ඉර උදේට පායලා හවසට බැහැලා යනවා

Dengue mosquitoes  cause deathly desease.

        ඩෙංගු මදුරැවෝ මාරාන්තික රෝග ඇති කරනවා

• අපි කාලයකට අනුව කරන දේවල් කියන්නටත් මේ රටාවට අනුව පුළුවන්.

උදාහරණ:

             The English movie starts at every Saturday at 10 p.m

             ඉංග්‍රීසි චිත්‍රපටය හැම සෙනසුරාදාම 10ට පටන් ගන්නවා

             The express buses leave at 7.30

             වේගවත් බස් 7.30 පිටත් වෙනවා

• I promise, I agree, I recommend, I suggest…වගේ වචන කිපයක් එක්ක මේ tense එක භාවිතා කරන්න පුළුවන්.

           

            උදාහරණ:

             I recommend it

             මම ඒක නිර්දේශ කරනවා

             I suggest you don’t do it

             මම යෝජනා කරනවා ඒක කරන්න එපා කියලා

                                   -------------------------------------- 

             

             දැන් මේ වාක්‍ය රටාවේ භාවිතය ගැන ඔයාල දන්නවා. තව පුංචි දෙයක් තියෙනවා ඉගෙන ගන්න. ඒ තමා ප්‍රශ්නයක් අහන්නේ කොහොමද කියන එක. ඒක ඊලඟ දවසේ දී කියලා දෙන්නම්.

හැඳින්වීම

ඉංග්‍රීසි කියන්නේ හරි සරල භාෂාවක්. අපි සිංහල භාෂාවෙන් කරන්නේ අපේ අදහස් ප්‍රකාශ කිරීමයි, ඕක ම ඉංග්‍රීසි භාෂාවෙනුත් කරන්න පුළුවන්. මෙතන තියෙන ලේසි බව තමා සිංහල භාෂාවෙ වගේ  කථා කරන්නයි ලියන්නයි කියලා ක්‍රම 2ක් නෑ. එකම විදිහට තමා ඔය දෙකම කරන්නේ. නමුත් මේ වෙනකොට වර්ධනය වන කටවහර බසකුත් ඉංග්‍රිසියේ නැතුවාම නොවේ. ඒ වගේමයි. ඉංග්‍රීසි බස බොහොම වීනිත බසක්. මේ නිසාත් මේ වෙනස ඇති වෙනවා.  නමුත් සිංහල  බසේ තරම් ප්‍රබල වෙනසක් නෑ.

ඉතින් මම පුංචි උත්සහයක් ගන්න හිතුවා ඔයාලටත් මේ ජාත්‍යන්තර  සරල අදහස් ප්‍රකාශන මාධ්‍යය (ඉංග්‍රීසි) ගැන කියලා දෙන්න. ඔයාලට ප්‍රශ්න තියෙනවා නම් මටත් කියන්න මට පුළුවන් උදව් කරන්න. ඒ වගේම මාත් තාමත් ඉගෙන ගන්න කෙනෙක් නිසා ඔයාටත් පුළුවන් මටත් කියලා දෙන්න.  මේ අවකාශය සංවාදයට විවෘතයි. මට ලියන්න edmihiri@gmail.com කියන ඊමේල් ලිපිනයට.

       මං බලාපොරොත්තු වෙන්නේ ඔයාලට ඉංග්‍රීසි පාඨමාලාවක් කරන්න නෙවේ.  බොහෝ දෙනා ඉංග්‍රීසි දන්නවා. නමුත් පංති සියකට විතර ගිහින් ගන්ධබ්බ වගේ දන්නෙත් නෑ නොදන්නවාත් නෙවෙයි තත්ත්වෙකයි ඉන්නේ. ඉතිං අපි දන්න කුලකයට එකතු වෙමු. ඒක තමා මගේ උත්සහය.

ඕනකමක් තියෙනවා නම් තනියම උනත් ඉංග්‍රීසි ඉගෙන ගන්න පුළුවන්. මං කියන දේ ඔයා නිතරම ප්‍රා‍යෝගිකව අත්හදා බලන්න.  ඉංග්‍රිසි ඉගෙන ගන්න නම් ඔයා තනියම බැරිනම් බිත්තියක් එක්ක හරි සංවාදේ යෙදෙන්න පුළුවන් නම්... නැත්නම් ඉස්සෙල්ලා කොලේක ප්‍රශ්න ටික ලියලා පස්සේ ඔයාම ඒ ප්‍රශ්න වලට උත්තර දෙන්න. වාක්‍ය රටා වල ෆොමැට් කටපාඩම් කරන් ඉංග්‍රීසි ඉගෙන ගන්න බෑ. ඒ වගේම ඉගෙන ගන්නකල් සිංග්‍රිසි භාවිතා කරන්න. එතකොට එළවළු වල නමුයි ඇ‍‍ඟේ කොටස් වල නමුයි කට පාඩම් කරන්න ඕන නෑ.

        එන්න අපි උඩුගං බලා පිහිනමු.....!.